Erabateko konpromisoa ilusio handiko erronkari heltzeko

Eskerrik asko EAJ-PNVko alderdikide eta lagun guztiei nigan jarri duzuen konfiantzagatik berriro Donostiako alkategai izateko. Eta eskerrik asko udal taldeko lankide eta lagunei urte hauetan guztietan egindako lanagatik.

1911ko udal hauteskundeetan lortu zuen EAJ-PNVk bere lehen zinegotzia Donostian. Orduz geroztik, gure hiriarekiko konpromisoa erabatekoa izan da. Egun konpromiso hori mantentzen dugu eta etorkizunean ere mantenduko dugu.

Proiekturik gabeko hiri batekin topatu ginen 2015ean. Gaur, zazpi urteren ondoren, harro esan dezakegu Donostia hazi egin dela. Donostia hiri egonkorra da, eta horri esker proiektuak martxan ditugu eta etorkizun oparoa dugu.

Aurrera egiten jarraitzeko ezinbestekoa da hiritarrekin, hiriko elkarteekin, gizarte-eragileekin eta gainerako erakundeekin elkarlanean jarraitzea. Horregatik, Donostia positivo bat proposatzen dugu. Elkarlanari esker aurrera egiten duen Donostia.

Erronka handiak ditugu aurretik arlo askotan. Hiri erakargarria dugu eta oso harro gaude. Hala ere, badago atzera itzuli nahi duen nostalgikorik. Guk ordea, ez dugu horrelakorik nahi, eta horregatik, erabateko konpromisoa dugu hiria hazten laguntzen jarraitzeko.

Ilusio handiko urteak datoz. Eta Loiolako Kuartelen lur-sailan garatuko den proiektuak ilusio handia egiten digu. Eta hori lortzeko barruan dugun guztia eman dugu. Gure hiriarekiko konpromisoaren adibide argia da.

Eta bide honetan donostiar guztien laguntza beharko dugu. Izan ere, guztien artean eraiki nahi dugu etorkizuneko Donostia.  Eta partekatu eta ekarpenak egin nahi duten donostiar guztiekin elkarlanean egin nahi dugu. Eskerrik asko!