Auzo Plangintza Donostia hobetzeko 225 proposamenekin

Donostiako auzoak hobetzeko Plana egin dugu, eta bertan 225 ekintza zehatz proposatu ditugu hiri osoan. Proposamena EAJ-PNVren maiatzaren 26ko udal hauteskundeetarako hauteskunde-programaren barruan dago, eta azken hilabeteetan hainbat hiritar eta elkarterekin egindako lan saioetan jasotako proposamenetan oinarrituta dago. Hortaz, planak auzo ezberdinetako hiritarrek proposatutako beharrak eta lehentasunak jasotzen ditu.

Planak, besteak beste, segidako ekimenak jasotzen ditu: Katalunia plaza estaltzea, Isabel II eta Gregorio Ordoñez kaleak oinezkoentzat egitea, Altza eta Larratxoren arteko bidegorria egitea, Heriz pasealekuan igogailuak egitea, edo Easoko Topo geltokiaren eremura Musika Kontserbatorioa eramatea.

Auzoek eta bertan dauden azpiegiturek garrantzi handia dute donostiarrei bizi-kalitatea eskaintzerako orduan. Hori dela eta, Auzo Plana egin dugu, eta bertan diagnosia egin dugu erabaki egokiak hartu ahal izateko.

Hiria egitea auzoak zaintzea da. Eta horretarako azken hilabeteetan, egin daitezkeen hainbat proiektu identifikatu ditugu Donostiako auzo guztietan.

Hortaz, 225 ekintza identifikatu ditugu modu orekatuan hiriko auzo guztietan, hain zuzen ere, auzo bakoitza hobetzeko abiapuntu diren ekintzak. Eta hau lehen diagnostiko bat da, hain zuzen ere, EAJ-PNVk partekatu nahi duen lehen diagnostikoa. Beraz, dokumentua irekita dago donostiarrek egin nahi dituzten proposamenak hartzeko.

Identifikatu diren proposamen eta proiektuak Euskara, Donostia Lagunkoia, Ingurumena eta Berdintasunaren arloetatik harago doaz. Izan ere, lau arlo horiek transbertsalak dira eta, beraz, hiriaren garapenerako politika guztiak egiterako orduan kontuan hartu beharrekoak.

Kontsultatu Auzo Plangintza hemen:  Auzo Plana