Donostiako Udalerako dugun hautagaien zerrenda aurkeztu dugu gaur. Ilusio eta indarraz Donostia aurrera egiten jarraitzeko lan egiten duten gizon emakumeak.
Horiek guztiak erabateko konpromisoa izango dute, duela 100 urte baino gehiago, Bulevard-ean Donostiako Euskal Etxea zabaldu zenetik gaur arte EAJ-PNVk Donostiarekiko izan duen konpromisoari eutsiz. Horrela izan da ere, 1911tik lehen zinegotzia izan genuenetik, eta horrela izaten jarraituko du.
Legatu ezinhobea jaso dugu, eta gai izan behar dugu guztion artean hobetzen etorriko direnei hiri hobeago bat uzteko. Horregatik, gaur aurkeztu dugun taldea, talde-lanean aritzen dakien katebegia da. Eta aurretik erronka handia dugu: Donostia Europako hiri onena izaten laguntzea bizitzeko, elkarbizitzeko, lan egiteko eta disfrutatzeko.
Etorkizuna baikortasunez begiratzeko oinarri sendoak ditu Donostiak. Hortaz, hiria aurrera egiten jarraituko duten zubiak eraikitzearen alde egiteko dugu, nostalgiari deitu eta iraganera itzuli nahi dutenen aurrean.
Eta horretarako, etorkizuneko hiria eraikitzeko, ilusioa piztuko duten proiektuak digugu. Hain zuzen ere, Donostia bizitzeko hiria, hiri kohesionatua, solidarioa, komunitate kontzientziaduna eta erakartzeko gaitasuna duen hiria.
Lan handia dugu aurretik eta ilusio eta indarraz heltzen diogu erronkari. Bidean oztopoak aurkituko ditugu, baina elkarlanean, elkarrekin, aurrera egiten jarraituko dugu, hain zuzen ere, guztiok irudikatzen dugun etorkizuneko Donostiaren alde.
Gaur aurkeztu dugun taldeak esperientzia, feskotasuna, gaztetasuna eta gertutasuna uztartzen ditu. Donostiarrak gara, eta donostiar izateaz oso harro gaude. Eta horrek gogotsu lan egiten jarraitzeko indarra eta ilusioa ematen digu.
Eskerrik asko guztioi, zerrenda osatzen duzutenoi zein orain arte zuen onena eman duzuenoi hiriarekiko erakutsitako konpromisoagatik.
Hotel eta erabilera turistikoko etxebizitza berriak jartzeko baimenak bertan behera uzteko erabakia hartu dugu. Neurriak ostatu erabilerak arautzeko Plan Orokorraren aldaketan du oinarri, eta behin martxoko udalbatzarran onartuta sartuko da indarrean.
Helburua da jarduera turistikoa arautzea, hain zuzen ere, zaindu beharreko hiriko jarduera garrantzitsu bat arautzea. Duela hamar urte Donostiak hoteletako plazatan defizita zuen, eta ondorioz, ez zuen gaitasunik bisitariak erakartzeko edota hainbat kongresu eta ekitaldi antolatzeko. Azken urteetako hazkundea, aldiz, handia izan da. Hortaz, hotel berrien irekiera mugatzeko unea da.
Azken urteetan hainbat neurri hartu ditugu, eta horiei esker barmen eskaerak nabarmen gutxitu dira. Erabakiak seriotasunez, irmotasunez eta berme juridiko guztiekin hartu behar dira. Eta arrazoi honen helburua da turismo jasangarria lortzea.
Gure lehentasuna donostiarrak dira. Hori dela-eta, neurri hauek hartu ditugu Donostian bizi garenok gustura egon gaitezen eta hazkunde handi batek izan ditzakeen ondorio negatiboak ekiditeko.
Martxoaren 8ko bezperan, Frankismoa amaitu zenetik orain arte Udalak izan dituen zinegotzi emakume guztiei merezitako aitortza egin nahi izan diegu.
Izan ere, gezurra baldin badirudi ere, orain arte Udaletxe honek ez due mota honetako ekitaldirik egin, emakumeak Donostiaren gertuko historian jokatu duen papera azpimarratuz.
Eta uste dut garaia dela politikan eta erakundeetan emakumezkoek jokatu duten eta egun jokatzen duzuen papera aldarrikatzeko.
61 emakumek izan dute donostiar guztiok ordezkatzeko ardura Frankismoaren ondoren osatu zen lehengo udalatik hasita, Demokraziaren lehen Gorporaziotik igarota eta gaur egun arte. Horiei guztiei Ane Picaza artistaren oroigarri bat oparitu diegu.
Uste dut gauzak asko aldatu direla 1978tik Udaletxean, erakundeetan eta politikan. Baita gizartean ere. Eta zorionez, egun emakumeen presentzia arlo publikoan eta ardura jardueratan ez du zerikusirik duela urte batzuetakoarekin. Eta hori emakume askoren lana, borroka, irmotasuna eta jarraikitasunari esker izan da; horien artean, gaur udalbatzar aretora hurbildu direak eta bidai horietan bidelagun izan zituztenak. Zuei guztiei eskerrak eman nahi dizkizuet Udalaren eta hiri osoaren izenean.
Hala ere, lortutako aurrerapenek ez dute esan nahi lana bukatuta dagoenik. Oraindik arlo askotan insistitu beharra dago aurrerapausoak eman daitezen, hain zuzen ere, kontsolidatuko diren aurrerapausoak, atzera egingo ez dutenak.
Uste dut lan hori emakume eta gizonek partekatu beharrekoa dela. Elkarren artean egin behar dugu. Bi alaba eta bi semeren aita naizenez, uste dut gure lana badela guneak irekitzea guztiek bere bidean berdintasunean egin ahal izateko, generoa oztopo ez izteko.
Eta bide horretan uste dut alderdi politiko guztion adostasuna dagoela, eta bultzatzen ditugun politikek emakume eta gizonen arteko berdintasuna indartzeko bidea jarraitzen dutela.
Feminismo barneratzaile baten alde egiten dugu, hain zuzen ere, sentsibilitate eta ikuspegi ezberdinak batzen dituen feminismoaren alde. “Emakumea gora!” …. dio aurtengo Emakunderen leloak. Utziko didazue hitz joku txiki bat egiten hitz hauei amaiera emateko. Eta horrelaxe amaitu nahi nuke: Gora martxoaren 8a, Gora berdintasuna eta Gora emakumeak!
Gureak-era egin dugun bisitarekin hasiera eman diogu Gizarte Ekonomiaren hiriburutzari. Santiago de Compostelari lekukoa hartu diogu eta erronka ilusio handiz eta arduraz hartzen dugu.
Pertsonak ekonomiaren erdian jartzea da Gizarte Ekonomiaren Hiriburutzarako hartu dugun goiburua. Uste dut goiburu horrek ondo baino hobeto laburbiltzen duela aurten zertan oinarrituko den hiriburutza.
Zifra ekonomiko handiak protagonista diren unean, uste dugu Donostiako hiriburutzan antolatuko diren topaketa eta foroetan azpimarra jarriko dela jarduera ekonomikoaren azken helburua den horretan: pertsonetan.
Eta gaur bisitatu dugun enpresa gizarte ekonomiaren adibide argia da.
Enpresa ororen helburua baztertu gabe – produktu eta zerbitzu onak eskaitnzea – Gureakek onurez gain doan misioa du.
Bere benetako onura soziala da, gizatiarra. Eta bere jarduerak aberastasuna ekartzen dio gure lurraldeari aspaldidanik. Eta aberastasun hori ez da ekonomikoa bakarrik, hobekuntza soziala ere bada. Pertsonekin, erdigunean.
Arrakasta-eredu den leku batean gaude, eta uste dut, umiltasunetik abiatuta, gure ingurutik haratago esporta dezakegula.
Eskerrak eman nahi dizkiet Donostia Gizarte Ekonomiaren Hiriburu izatea ahalbidetu duten parte-hartzaile eta erakunde guztiei. Ziur nago guztiok elkarlanean diruaz gain beste gauza asko axola duten arloa honetan ekarpenak egingo ditugula.
Donostiaren aldeko manifestua aurkeztu berri dugu. Eta manifestu honek konpromiso baten adierazle da: hiria egitearen aldeko konpromisoa, aurrera modu positiboan aurrera egitearen aldeko konpromisoa. Eta hori guztia donostiar guztien eskutik. Izan ere euren eguneroko lanarekin Donostia egunetik egunera hobea egiten dute.
Aldatzen doan munduan, gelditzea atzera egitea da. Horregatik, aldaketa horiei egokitu eta etorkizunari batera heldu behar diogu. Donostia hiri erakargarria izaten jarraitu dadin, hain zuzen ere, bizitza proiektu guztiak garatu ahal izango diren hiri erakargarria.
Eta horretarako ezinbestekoa izango dugu ikerketa eta zientzia arloen aldeko apustuan sakontzea. Donostia munduan erreferente bihurtu nahi dugu zientzia eta ezagutza arloan.
Erronka handia dugu aurretik. Eta ondo egingo dugu; presarik gabe, baliabideak bideratuz, urte batzuen buruan Donostia onenen mailan egon dadin. Eta beti gertuko kudeaketa bat eginez, hiritarrei entzunez, eta batez ere, donostiar guztiekin batera elkalanean.
Aurrera egiten duen hiri baten apustua egiten dugu. Etorkizuneko hiriaren alde. Eta horretarako behar diren erabakiak hartu eta hiria hobera eraldatuko duten proiektuak bultzatuko ditugu.
Ohi dugunez, urtearen lehenengo astean 2022ak utzi dizkigunak eta 2023ak ekarriko dizkigunak errepasatzeko tartea hartzen dugu.
2022a modurik onenean bukatu ez bazen ere Eguberri egunaren goizaldean izandako gertakaria dela-eta, urteak hainbat gauza positibo utzi ditu; hain zuzen ere, COVID19aren osasun-larrialdiaren eraginak gutxinaka atzean gelditzen ari direla erakusten dituzten hainbat gauza.
Eta besteak beste, ekarri du Altza kiroldegiaren tamainako proiektuen amaiera; donostistiarroi eskaintzen zaizkikgun hainbat zerbitzu eta azpiegitura hobetzea; eta hiriaren etorkizunerako ezinbestekoa izango den Loiolako Kuartelen lur-sailaren salerosketa egiteko Defentsa Ministerioarekin lortutako akordioa.
2023a aldiz, ilusio handiko erronkez beteta dator, hain zuzen ere, Donostia hiri erakargarria, aberatsa eta hainbat arlotan erreferente – ikerketa, zientzia eta teknologia, kultura, kirola edo Giza Eskubideen defentsan – izaten jarraitzen ahalbidetuko duten erronkak.
Etorkizuneko garapenak
Amaitu berri den urtean hainbat hirigintza plangintza onartu dira. Eta horiei esker, 2023an besteak beste Inpernuaren edo Lorategi Hiriaren eremuetan lanak hasiko dira.
Halaber, behin Loiolako Kuartelen salerosketa egiteko akordioa iragarrita, 2023an salerosketa sinatu egingo da, jabetza Udalari emango zaio eta auzo berria diseinatzen hasiko da. Eta diseinu hau Plan Orokorraren berrikuspenaren bidetik egingo da. Horretarako, urtearen lehen seihilekoan Plan Orokorraren berrikuspena egiteko Aurrerapen dokumentua onartuko da, eta bertan, Easoko trenbidearen eremua, Antzita, Sarrueta edota Txominenearen jarraipena – behin kartzela Eskusaitzetara lekuz aldatzen denean – ere aztertuko dira.
Martxan dauden proiektuak
Era berean, 2023an egun hasita dauden hainbat proiektu garatzen jarraituko dira. Eta horiei esker, azpiegitura berriak sortuko dira, erakargarritasun historikoa dituzten lekuak berreskuratu ahal izango dira, eta donostiarrei ematen zaizkien zerbitzuak hobetuko dira. Eta horren adibide, Bretxa izango da, non eta betiko merkatuak protagonismoa hartuko duen, eta aldi berean Parte Zaharrerako eta Erdialderako osasun zentro berri eta modernoa egingo den.
Gainera, hirian honako proiektuak garatzen joango dira ere: San Bartolomen kokatuta dagoen bigarren Talent House eraikina; hiriko sarrerak eta irteerak hobetzen lagunduko duen Marrutxipiko lotunea; familientzako hainbat arreta zerbitzu eta etxerik gabeko pertsonentzat eguneko zentroa hartuko dituen Villa Salia; hipodromoaren ondoan egiten hasi diren hockey zelaia; eta Anoetako inguruko urbanizazio lanak, non eta ETSk Anoetako geltokia hobetu eta bigarren sarrera egingo duen.
Anoetan, Estadio Txikia berritzearekin batera, gure erronka handienetako bat izango da Foru Aldundiarekin eta Eusko Jaurlarittzarekin akordioa lortzea, kirol-hirian dauden instalazioak berritzeko oinarriak ezartzeko.
Mugikortasun jasangarria
Mugikortasunaren arloan, 2023an Udalak Isuri Txikiko Eremua sortu beharko du Europako Batasunak aginduta, 50.000 biztanle baino gehiago dituzten gainerako udalerriek bezala.
Gainera, eremu horren kudeaketa egiteko sistema teknologikoa ezarri beharko dugu, eta oniezkoentzako eremu berriak definitu beharko ditugu. Eta hori guztia, garraio publikoaren, bizikletaren eta oinezkoentzat izango diren eremu berriak sortzearen alde egiten dugun apustua berretsita.
Dbusek ibilgailu elektriko berrriak erosiko ditu, Europatik jasotako diru-laguntzez baliatuta. Eta horri esker, konpainiak bere flota handituko du, jasangarriagoa eginez, eta instalazioetan hainbat berritze-lan egin beharko ditu ibilgailu berri horietara egokitzeko.
Gainera, dBizi zerbitzuak hirian zabaltzen jarraituko du, geltoki eta bizikleta berriekin; eta Taxiaren sektorearekin elkarlanean jarraituko dugu zerbitzua hobetzeko.
Ekitaldien hiria eta hiri-erreferente
2023an Donostiak erreferente izaten jarraituko du kirol, kultur eta gizarte-ekitaldiak direla eta. Agendaren parte garrantsitzua izango dira eta gure nortasuna munduan zehar zabaltzen lagunduko dute.
Horrenbestez, ohiko kirol eta kultur-ekitaldiez gain, Donostiak nazioarte mailako bi kirol ekitaldi hartuko ditu: Frantziako Tourraren bigarren etaparen amaiera, eta Errugbiko Top14ko bi final erdiak.
Era berean, Donostia Gizarte Ekonomiaren hiriburu izango da, hiria sektore horretan lan egiten duten enpresa eta erakundeentzako erreferente gisa sendotuz, eta babes handia suposatuko du Donostiak gizarte- eta ekonomia-arlotan izan dezakeen zereginean.
Azkenik, 2024an Eduardo Chillida eskultore handiaren jaiotzaren mendeurrena ospatuko da, eta beraz, 2023a ospakizun hori behar bezala antolatzeko urtea izango da.
