Kategoria: Orokorra

Hiri-segurtasuna da donostiarrek dituzten kezketako bat. Eta horrela izanik, ezin da demagogiaz jokatu edo promesa faltsurik egin. Horiek horrela, lehenik eta behin, lasaitasun mezu bat bidali nahiko nuke: egia da zenbait delitu hazi egin direla, baina orohar Donostian segurtasun maila altua dugu.

Segurtasun sistema malgu baten alde egiten dugu, partekatua eta auzoetako errealitate ezberdinei egokitzen zaiona, herritarren bizi kalitatea eta ongizatea zaintzeko asmoz, guztien errespetua ziurtatuz eta guztion bizikidetza bermatuz.

2022 urtean delitu gehiago izan genituen, baina parean igo zen atxilotuen kopurua. Dena den, delituen igoerak beharrezko egiten dute neurri berriak hartzea kopuru orokorra jeitsi ahal izateko.

Aurten bertan f, eta hori bideratzeko 2023ko aurrekontuan diru gehiago aurre-ikusi da. Halaber, Udaltzaingoak kalean bere presentzia areagotu egingo dugu. Sinistuta gaude udaltzain gehiagorekin eta kaleko presentzia indartuz, delitu kopurua jeitsi egingo dela.

Ekialdeko Barrutian Udaltzaingoaren komisaldegi berri bat irekiko dugu, eta horrek segurtasun zerbitzua auzoetara hurbilduko du eta hiriko zonalde honi gaur egun ez daukan gertuko polizia zerbitzua eskeiniko dio. Horrekin batera, lanean ari gara Egian Udaltzaingoaren eta Ertzaintzaren polizia-bulego bateratu bat irekitzeko, horrek hiriko presentzia indartzen lagunduko digun neurrian.

Poliziaren lana hobetzeko teknologiak eskaintzen dituen aukerak ere baliatu behar dira. Eta horretarako, hiriko hainbat gune zaintzen lagunduko duten segurtasun kamaren erabilpena zabaltzeko lan egingo dugu. Eta delitu informatikoei aurre egiteko, profesionalen formakuntza hobetzeko eta baliabide egokiak indartzeko urratsak emango ditugu.

Era berean, hiritarrei aisialdi segurua eskaintzeko lan egingo dugu, eta horretarako, ekitaldien antolaketa eta jarduerak zainduko ditugu. Horrek baliabide gehiago eskatuko dizkigu, baita Ertzaintzarekin lankidetza ere, eta horretara bideratuko ditugu esfortzu guztiak.

Segurtasun maila egokia eskaintzeko ezinbestekoa da datuak ondo aztertu, behar diren lekuetan segurtasuna indartu, eta batez ere profesionalei, alegia, poliziei, lan egiten utzi. Eta mezu argi bat: gaizkileen aurrean, zero tolerantzia, baina demagogiarik egin gabe eta beldurra bultzatu gabe.

Miramongo Teknologia Parkean dauden arlo biosanitario eta automobilgintzako empresak bisitatu ditugu gaur, eta bertan, konpromisoa hartu dugu zientzia eta ezagutza hirien munduko elitean kokatzeko ibilbide bide orri bat egiteko.

Donostiak beharrezko osagaiak ditu zientziaren eta ezagutzaren hiri nagusien nazioarteko esparruan leku pribilegiatua izateko. Lau unibertsitateak, teknologia eta ikerketa zentroak, beren espezialitatean puntakoak diren enpresak eta jarduera horietan profesionalki aritzen diren 6.000 pertsona inguru, munduko mapan leku propioa izateko oinarri oso sendoa dira.

Eta nazioarteko proiekzio hori sendotzeko eta hiria erreferente izan dadin ikerketan, zientzian eta ezagutzan bide orria izatea ezinbestekoa da. Ibilbide horretan, dagoen errealitatearen, indarguneen eta ahulezien erradiografia zehatza egin behar da, baita jauzi kualitatibo bat egitera eraman gaitzaketen irizpideak objektibatu ere.

Diagnostikoa egin ondoren, estrategia bat abiaraztea planteatuko da, erakundeekin (Eusko Jaurlaritza eta Aldundia), hezkuntza eragileekin, eragile akademikoekin eta sektoreko eragileekin (publikoak zein pribatuak) lankidetzan, hurrengo urteetan garatu ahal izango den bide orri partekatu bat adosteko.

Argi dugu, estrategia horretan, Donostia nabarmentzen den jarduerak finkatu behar direla, hala nola biozientziak, osasuna, nanoinbestigazioa, materialen fisika, mugikortasun elektrikoa edo industriari aplikatutako komunikazio teknologiak.

Helburua da Donostia zientzia  eta ezagutza hiri gisa kokatzea nazioartean. Munduko elitean sartu behar dugu eta Boston, Berkeley, Munich, Copenhague edo Seul bezalako hiri erreferenteekin bat egin behar dugu.

Hori lortzeko, eragile asko batuko dituen prozesu bat gidatuko dugu, zientzian eta teknologian erreferente diren hirien artean dugun posizioan jauzi kualitatibo bat emateko.

Ziur nago, gauzak ondo egiten baditugu, hiriak berak bere buruaz duen pertzepzioa hobetu dezakegula, baita nazioarteko ranking nagusietako irudia eta posizionamendua ere. Eta hori guztia, Donostia Europan parerik izango ez duen hiria izatea; bizitzeko, lan egiteko eta elkarregin gozatzeko.

Altzako Larres parkean egon gara gaur goizean. Izan ere, parke hau hiriko gainerako eremu berde eta parkeekin batera balioan jartzeko eta hiritarrek disfrutatzeko proposatuko dugun ibilibde berriaren protagonista izango da.

Gune hauek eguneroko ajetik aldentzen laguntzen digute, atseden hartzeko, arnasa hartzeko eta ondo pasatzeko. Eta guztiak Bide Berdearen bidez lotzeko proiektua dugu.

14 kilometroko ibilbide berde handi bat sortuko dugu, hain zuzen ere, Cristina Enea, Ametzagaña, Ibai Parkea, Lau Haizeta, Larres, Harria, Arrobitxulo, Ulia eta Zurriola hondartza lotuko dituen ibilbidea, hiriko ondare naturalari balioa emanez.

Ibilbidea oinez zein bizikletaz egiteko pentsatuta dago. Gainera, hiriko datuak begiratzen baditugu, Donostiarren ia %70 kirola maiztasunez egiten du. Eta Korrika egitea, oinez ibiltzea eta bizikletan ibiltzea dira asko praktikatzen diren hiru jarduera.

Beraz, ekimen honek ibilbide berri bat izatea ahalbidetuko du kirola eta natura uztartzea atsegin duten donostiarrei hiria beste ikuspegi batetik bizitzeko eta disfrutatzeko izan dezaten.

Gure helburua argia da: Europan parerik ez duen hiria izatea; bizitzeko, lan egiteko eta elkarrekin gozatzeko. Eta Bide Berdeak bezalako ekimenek donostiarren gozamen osasuntsuari ekarpena egingo diote.

Goizean Amarako Araba parkean egon gara etorkizunerako landuta ditugun hainbat proiektu aurkezten. Aspaldi lantzen ari garen Donostia berria osatzen lagunduko duten proiektu estrategiko batzuk dira.

Hiria hobetzen jarraitzeko proiektuak dira, hainbat gune berreskuratzeko, beste hainbat balioan jartzeko, besteak beste, hiri berdearen eta oinezkoak protagonista izango den hiriaren alde egiten dugun apustua, zientzia eta teknologian erreferente izatekoa…; hau da, aukeren hiria, abangoardiakoa, inor atzean utzi gabe aurrera egiten duen hiria.

Proiektuak hiriko hainbat gizarte-, kultura- eta ekonomia-eragilerekin landuta daude, eta gure helburua da herentzian jaso dugun Donostia mantentzea eta hobetzea, izan ere, gure konpromisoa da etorkizuneko belaunaldiei hiri hobeagoa uztea.

Irudikatzen dugun Donostia pertsonekin atseginagoa da, berdeagoa, jasangarriagoa. Etxebizitza gehiago eskaintzen dituen hiria, baita ekipamendu gehiago ere. Eta gainera hiri segurua, inklusiboa eta solidarioa, bizitza osorako proiektuak sustatzen dituena. Zientzia eta ezagutzaren hiria, ekintzailea, aurrera egiten duena, eta talentua eta aukerak sortzen dituena. Hiri erakargarria, sortzailea, kultura eta kirolarekin lotura zuzena duena, ilusioa pizten duena.

Azken finean, Europan parerik ez duen hiria; bizitzeko, lan egiteko eta elkarrekin gozatzeko.

info+: Donostia berria marrazten

Hauteskunde kanpainako lehenengo egunean Goyeneche Fundazioko Amarako Garagunea bisitatu dugu. Bertan, konpromisoa hartu dugu, Udaletik ematen diren zaintza eta arreta zerbitzuak hobetzen lagunduko duten politikak sustatzen jarraitzeko. Eta horretarako, gainerako erakundeekin eta hirugarren gizarte-sektorearen eragilerekin elkarlaneran jarraitu nahi dugu. Helburua da, inor atzean utziko ez duen sare komunitarioa indartzen jarraitzea.

Hori da azken zortzi urteetan egin duguna. Izan ere, gizarte ekintzako aurrekontua %40 handitu dugu, eta beraz, 2015ean 24,7 milioikoa izatetik 2022an 34,1 milioikoa izatera pasa da. Eta kopuru horretatik 9,2 milioi gizarteratze politiketara bideratu dira, hau da, 340 euro donostiar bakoitzeko.

Pertsonek Udalak zein gainerako erakundeek hartzen dituzten erabaki guztien erdigunean egon behar dute. Aurten Gizarte Ekonomiaren Hiriburu gara, eta aukera hori baliatu behar dugu Donostiak desgaitasuna duten pertsonen lan-inklusioan zein gizarteratzean duen erreferentzialtasuna sendotzeko. 

Donostia zaintzen duen hiria da, gure artean bizitzea erabakitzen duten pertsonei harrera ona egiten die, eta solidarioa da, izan ere, beti prest dago behar gehien dutenei laguntzeko .

Hortaz, bizikidetza, gizarteratze eta elkartasun politikak bultzatzen jarraitzeko konpromisoa berresten dut. Izan ere, politika horiek gazteenak babesteko, babesgabetasun egoerak ekiditeko behar den detekzio goiztiarra hobetzeko, edo adineko pertsonei zein etxerik gabeko pertsonei ematen zaizkien zerbitzuak hobetzeko aukera emango digute.

Udalaren hainbat departamentuk lan handia egiten dute donostiarrek bizitza oso bat bermatzeko behar diren osasun eta zaintza prebentzio politikak garatzeko. Eta politika horien helburua da, besteak beste, adineko pertsonak hiriaren eguneroko bizitzan integratzea eta parte hartzea, mendekotasun egoeran dauden pertsonentzako baliabideak egokitzea, eta adineko pertsonei etxean zein udalak dituen baliabide ezberdinetan eskaintzen zaizkien etxez etxeko arreta hobetzea. Horiek indartzeko lanean jarraituko dugu.

Eta era berean, etorkizunari begira, familien eta gazteen bizi-kalitatea hobetuko duten politikak bultzatzen jarraituko dugu, besteak beste, amatasun eta aitatasun lehen urteetan laguntza zerbitzua eskainiz, kontziliazioa hobetuko duten ekintzak sustatuz edo haurtxokoetan 5 urtetik beherako haurrentzako zerbitzuak handituz.

Donostiarrok egiten dugu egunero Donostia. Eta horretarako bide orri argia dugu eta lan-talde sendoa, hain zuzen ere, ilusio handia eta donostiarrekin zein gizarte-eragileekin elkarlanean aritzeko gogo handia duen lan-taldea. Eta horiei guztiei eskua luzatu nahi diegu elkarrekin Donostiak aurrera egiten jarrai dezan.

Lehendabiziko aldiz bozkatzera joango diren gazte donostiarrei zuzendu natzaie gutun baten bidez. Lehenik eta behin neure burua aurkezteko, eta jarraian nire pentsamenduak eta hiriari buruz dudan ikuspegia azaltzeko.

 

Donostiarra naiz, amaratarra, 51 urte ditut, ezkonduta nago eta lau seme alaba ditugu. Gazte nintzela interesa azaldu nuen politikagatik. Uste dut gure adinekoek hiri oparoa utzi zigutela, eta horregatik, beraiek utzitako legatuarekin jarraitzeko eta gazteekin elkarlanean etorkizuneko hiria eraikitzeko konpromisoa adierazi nahi diet.

Izan ere, gazte donostiarrek funtsezko papera dute hiriaren etorkizuna definitzeko eta eraikitzeko. Jakin badakit konpromiso handiko hiritarrak direla eta, beraz, Donotia hiri inklusiboago, jasangarriago eta oparoa izateko ekarpenak egingo dituztela. Horretagik, konpromiso horri heltzeko eskatu nahi diet, hain zuzen ere, hiri aktibo, oparo, humano, berdinzale eta dibertigarria eraikitzeko konpromisoari heltzeko.

 

Donostiak aurrera egiten jarraitu behar du eta, beraz, ezin du etorkizuneko trena galdu. Egun gazten donostiarrentzat giltzarri dira hiri-jasangarritasuna eta berrikuntza, hortaz, bi ardatz horiek lehenetsiko ditugu Donostiak aurrera egiteko proiektuak eta proposamenak egiterakoan.

Guk argi dugu hiri hori lortzeko bide-orria, eta horretarako, talde sendoa osatu dugu eta ilusioa eta gogo handiak ditugu etorkizuneko erronka horiei guztiei aurre egiteko. Benetan sinetsita nago hiriaren historiaren garairik ederrenetako bat bizitzeko aukera izango dugula, eta guztion artean Europan parerik izango ez duen Donostia egingo dugula; bizitzeko, lan egiteko eta elkarrekin gozatzeko hiria.