Mezua ulertuta, hurrengo lau urteetan lanean jarraitzeko prest!

Ezin dizuet ukatu, gaur ez da gau ona izan guretzat, baina Donostian irabazi dugu! Eta hori esan beharra dago.

Horregatik, gaur lehenik eta behin donostiarrei eskerrak eman nahi dizkiet emandako konfiantzagatik. Ulertzen dut bidalitako mezua, eta horren arabera hurrengo lau urteetan lanean jarraituko dugu. Hiritarren zerbitzura gaude. EAJ-PNV hori da eta hori izaten jarraituko du.

Eskerrik asko lan talde guztiari, boluntario guztiei. Dena eman duzue, guzti guztiok. Lan-talde paregabea dut eta hala sentitzen dudalako esaten dut.

Eta bereziki eskerrak eman nahi dizkiet nire familiari, seme-alabei eta emazteari. Baita, gurasoei ere, berezirik amari: gaur ez zaude hemen, baina zauden tokian zaudela badakit gaur hemen gurekin zaudela.

Aurrera Batera. Jarrai dezagun Donostia elkarrekin etorkizunerantz eramaten.