2025
Loiolako Kuartelen lursailak erosteko eskriturak sinatuta, dagoeneko 4 dira berriki martxan jarri ditugun garapen berriak. Uztailean zehar Easoko trenbidearen eremuan, behin Topoaren igarobidea martxan jarrita, aurrera eramango den garapena ere aurkeztu dugu. Gainera, Inpernua bezala ezagutzen dugun eremua birsortzeko lehen 270 etxebizitza eraikitzeko baimenak eman ditugu – eremu honetan guztira beste 540 egingo dira -, eta Eusko jaurlaritzarekin udalaren jabetza diren Lorategi Hiriko bi lursailetan babestutako beste 98 etxebizitza eraikitzeko hitzarmena idatzi dugu. Etxebizitza da gehien kezkatzen gaituen gaietako bat, eta horri irtenbideak emateko pauso sendoak ematen jarraitzen dugu.
Duela 10 urte donostiarrek Bestelako Donostia eraikitzeko eskatu ziguten. Donostiako historiaren azken hamar urteetako orrialdeak idatzi ditugu, eta prest gaude datozen hamar urteetakoak idazteko, asko baitago jokoan. Hamar urte pasa dira, eta orain Donostiarron Donostia diseinatu behar dugu, mundu guztia gustura egongo den hiria, eta guztiok harro egongo garena. Prest gaude horrek ekarriko dituen erronkei aurre egiteko, izan ere, ez dago donostiarra eta euskalduna izatea baino gauza handiagorik.Â
Loiolako Kuartelen eremuan egingo diren etxebizitza guztiak babestuak eta udal etxebizitza tasatuak izango dira. Legeak ezartzen duen etxebizitza sozialen gutxieneko portzentajeez gain, gainerako guztiak %100era iritsi arte udal etxebizitza tasatuak izatea proposatuko dugu. Etxebizitza mota hau klase ertainari zuzenduta dago, eta bere prezioa lur-zoruaren erosketa, urbanizazio, promozio eta erakinen eraikuntza lanen araberakoa izango da. Eta guztiak donostiarrei zuzenduta egongo dira. Gainera, behin betiko babesa izango duten etxebizitzak izango dira espekulazioa ekiditeko.
Tokiko Gobernu Batzarran onartu dugu Parte Zaharreko eta Kaiko Monumentu Multzoa Babesteko Plan Berezia. Aspaldi lantzen ari ginen dokumentua da, eta erantzuten dio Eusko Jaurlaritzak 2019an bi eremu hauek Monumentu Multzoaren izendapenak ezartzen duen araudiari. Planaren giltzarri nagusiak dira, lehendik dagoen hiri-sarea finkatzea, bizigarritasuna eta irisgarritasuna hobetzea, hiri-paisaiak esku-hartzeak egitea, espazio publikoaren erabilera arautzea, trafikoa eta mugikortasuna berrantolatzea, eta bizitegi-izaera babestea.
Hasi dira Infernuan auzo berri bat eraikitzeko lanak. Tramitazio luze baten ondoren, lehen makinak sartu dira eta dagoeneko Antigua eta Añorga artean bizitegi-eremu berri bat egiteko lanak hasi dira. Bertan, 540 etxebizitza berri egingo dira eta utzita zegoen eremu garrantzitsu bat berreskuratuko da hiriarentzat. Dena ondobidean 2027an lehenengo etxebizitzetako giltzak emateko moduan egongo gara. Hurrengo hilabeteetan beste hainbat eremutan etxebizitza berri gehiago eraikitzeko lanak hasiko dira, eta ondorioz, urte amaierarako 1.300 etxebizitza berri, erdia babes ofizialeko etxebizitzak, eraikitzen hasiak egongo dira.
Illunbe berriak Donostia kultur eta kirol-bizitzaren erdigunea izateko asmoa du. Erabilera anitzeko pabilioia egingo da, ingurua berrituko da, Anoeta kirol hiriarekin integratuta egongo da, eta parke teknologikoaren hedapena hartuko ditu. Kirol instalazioak bi eremu izango ditu, bat 15.000 ikusleentzako edukierarekin, eta beste bat, 2.500 – 3.000 ikusleentzako edukierarekin. Gainera, Miramongo Parke Teknologikoa Illunberen aurrealdera hedatuko da, hainbat enpresa-proiektu estrategiko zein Columbusek duen proiektua hartu ahal izateko. Zalantzarik gabe albiste ezinhobea hiriarentzat.
2024. urtea amaitu eta balatzea egiteko unea da. Albiste ezinhobeak ditugu. Garraio publikoaren erabilera geroz eta handiagoa da gure hirian. Dbusek iaz baino 2,4 milioi bidai gehiago egin ditu, eta guztira 32 milioi bidai egin ditu. Historian lehen aldiz 30 milioi bidaien hesia gainditu du, eta horri esker Europan garraio publikoa gehien erabiltzen den hirien artean gaude. Gehien erabili diren lineak hauek dira: 13, 28 eta 5. Bidai gehien egin ziren egunak segidakoak izanziren: urtarrilaren 19a, azaroaren 29an eta abenduaren 21ean eta 20ean.