COVID-19: Maria Cristina hotela Osakidetzaren zerbitzura
DonostiakoUdalak Osakidetzaren esku jarri du Maria Cristina Hotela COVID-19 duten gaixo arinak sendatzeko. Donostiako Sustapenak, hotelaren zuzendaritzaren eta Marriot Internationalen kudeaketari esker, euskal osasun sistemaren esku jarri dira bertako 120 oheak.
Sinbolismo handiko albistea da: gure hiriko hotelik klasikoenak, zine zein musika izarren hotela, behar handiena duten pertsonen zerbitzura jartzen da une gogor batean.
Hiriko nortasun ezaugarri diren elkartasuna eta konpromisoa ezin hobeto adierazten ditu. Bere zuzendaria, Ned Capelerisi, esker ona adierazi nahi diogu, baita Marriot International enpresari ere, erabaki hau hartzeko orduan eman dizkigun erreztasunengatik.
Gaixo arinentzat ezarri den baliabidea da. Euren etxean egon daitezkeen gaixoak dira. Baina senideak ez kutsatzeko edo baldintza egokiak ez dituztelako euren etxeetan, hotelera bideratuak izango dira.
Ospitalizatuak izateko beharra ez duten gaixoak, baina segurtasunagatik eta egun batzuetan jarraipena egiteko ezarri da.120 logela bikoitz dira eta Osakidetzak egingo du jarraipena.