Donostiak gehiago nahi du
Legealdiaren erdia igaro da eta bi urte bizi hauetan gertatutaka aztertzeko unea da. 2019an legealdiari ekin genion hurrengo 4 urteetarako proiektu batekin, landutako bide orri zehatz batekin hiriak dituen erronka berriei zein etorkizun hurbilean izango dituenei aurre egiteko. Eta horretarako `Batera Bagera, Donostia Quiere Más´goiburua erabili genuen, hain zuzen ere, gaur inoiz baino gehiago bizirik dagoen goiburua.
Duela urtebete baino gehiago genuen norabidea egokia zen, baina aitzitik, ustekabeko gertaera batek gauzak guztiz aldatu ditu, eta gure esfortzu guztiak egoera zail hau kudeatzera bideratu ditugu. COVID-19aren osasun larrialdiak guztiok jarri gaitu frogan , bai hiritarrok baita erakundeok ere, eta `Batera Bagera´goriburua kudeaketaren erdian jarri du.
Batera Bagera, osasun larrialdiak eragin duena ezingo litzatekeelako kudeatu kompromiso handiko hiritarrik gabe. Batera Bagera, Udalaren antolaketa guztiaren inplikaziorik gabe, hau da, udal langileen inplikaziorik gabe, donostiarrentzako erakunde gertukoenak ezingo zukeen egoera zail honi heldu.
Hilabete zailak pasa ditugu. Proiektu estrategiko askoren kudeaketa moteldu da. Hala ere, uste dut legealdiaren hasieratik hiriko auzo guztietan hainbat proiektu garatu ditugu, eta horiei esker, donostiarron bizi kalitatea hobetu da edo laster hobetuko da.
Eta horre adibide mapa honetako proiektuak:
Eta orain zer?
Txertatzeak aurrera jarraitzen du eta hiriko jarduera berreskuratzen lagunduko du. Azken hilabeteotan kontratazioa azkartu ahal izan dugu, eta beraz, aurreikusita genituen proiektu nagusienak garatzen jarraitzeko aukera izango dugu.
Dena den, bizi dugun egoeraren ondorioz ingurumen jasangarritasunarekin lotura duten hainbat gaiek garrantzi handia hartu dute. Eta horren adibide dira, garraio moduen aldaketa edo oinezkoentzako guneen berreskuratzea. Topoaren igarobideak, Abiadura Handiko Trenaren iritsierak edo Loiolako aldageltokia eraikitzeak hiria hobetuko dute.
Era berean, esfortzu handia jarriko diogu esku artean dugun beste erronka handi bati: Plan Orokorraren berrikustea. Hirigintzaz baliatu nahi dugu egun erabilgarri dauden hiriko hainbat gune birsortzeko. Horren harian, gure helburu nagusienetako bat da Loiolako kuartelen birsortzea, Urumeako ibarra garatzen jarraitzeko, eta hain urruti diruditen baina hain gertu dauden Intxaurrondo eta Loiola auzoen arteko lotura hobetzeko. Eta gauza bera Easoko trenbideen gunearen birtsotzearekin, hain zuzen ere, Erdialdea, Morlans eta Amara arteko lotunean bilakatuko den eremuarekin.
Ideiak oso argi ditugu eta bide orria dugu. Donostiak Gehiago Nahi Du, aurrera egiten jarraitu nahi du eta hiri bizi bat izaten jarraitu nahi du, donostiarrok bezala. Eta hori izango da gure konpromisoa: donostiarrekin batera hiria egiten jarraitu nahi dugu, bizi garen hiria, imaginatzen dugun hiria.