Kategoria: Auzoak

DONOSTIARRON DONOSTIA. Batu zaitez olatu berrira

Posted on by Eneko Goia

Hiri bat baino askoz gehiago da Donostia. Donostia izateko eta bizitzeko era bat da. Gure izaera propioan, ariman, elkarbizitzan eta aurrera egiteko dugun nahia partekatuan oinarritutakoa zehazki. Garen horretatik eraikita, eta baita, amestu dugunetik ere.

10 urte dira EAJk hiriaren lidergoa hartu zuela. Iraganean abiatutako obra handiak, gaur egun, amaitze bidean ditugu, eta garai berria dugu aurrean. Aukeren hiria eta aukeraz beteriko aroa. Bizigarriagoa, atseginagoa eta konektatuagoa dagoen Donostia dugu helburu, donostiarrok bizitza proiektu berriak garatu ahal izan ditzagun.

Donostiarron Donostiak etxebizitza gehiago ditu, enplegu aukera berriak, gune publiko berrituak edo gure egunerokoa hobetzen duten gauza txikiak zaintzen ditu. Irekiagoa da, eta aldi beran, gureagoa.

EAJk gidatu du prozesu hori, milaka donostiar eta hiriko gizarte, ekonomia zein kultura eragile eta elkarteekin batera. Zailtasunak zailtasun, hiri honetan beti egin dugu aurrera. Talde lanean gara indartsu. Donostiaren arima donostiar bakoitzak osatzen du eta.

Aro berria dugu aurrean eta zu garai berri horren parte zara.

Hiriko proiektuak

01 TOPOA, KALITATEZKO GARRAIO PUBLIKOA
Topoa azpiegitura giltzarri izango da auzoen artean mugikortasun jasangarria, irisgarria eta eraginkorra lortzeko.
MARTXAN → 2026

02 ATOTXA GELTOKI BERRIA
Geltoki berriak Aldirietako eta distantzia ertaineko zerbitzuak hobetuko ditu, eta abiadura handiko trenaren iritsierarekin borobilduko da.
MARTXAN → 2025

03 GOe, EREMU BERRONERATZEA
GOeren garapena gastronomiaren berrikuntzaren eta aisialdirako eremu publikoen biziberritzearen aldeko apustua izan da.
MARTXAN → 2025

04 LOIOLAKO KUARTELAK, ETORKIZUNEKO AUZOA
1.700 etxebizitza, eremu berdeak, ekipamendu komunitarioak. Kuartelen eremua Urumearen inguruan sortuko den lotura hiri-ardatz berria izango da.
AURREIKUSPENA → 2033

05 INFERNUA, HIRI BERRONERATZEA
Inpernu berrian 540 etxebizitza, ekipamenduak eta ingurua berreskuratzeko eta birsortzeko kalitatezko guneak egongo dira.
MARTXAN → 2027

06 ILLUNBE, INSTALAZIO BERRIKUNTZA
Erabilera anitzeko pabilioi moderno eta berritzaile batek kultur- eta kirol-ekintzekin gozatzeko aukera emango digu.
AURREIKUSPENA → 2030

07 NAZIOARTEKO POLO KUANTIKOA
DIPCk, Ikerbasquek eta Nanogunek martxan jarri dituzte teknologia kuantikoko zentro berriak. Horiei esker Donostia erreferente izango da.
MARTXAN → 2025

08 KOMISARIA BATERATU BERRIA EGIAN
Zentro operatibo berria ardatz estrategikoa izango da hiriko segurtasuna bermatzeko, hiritarroi arreta gerturatuz.
AURREIKUSPENA → 2027

09 EASO, KONEXIO-ESPAZIO BERRIA
Trenbidearen eremuaren birsorkuntzari esker Easo, Araba parkea eta Morlans arteko konexioa hobetuko da eta bizitzegi-eremu eta oinezkonetzat eremu atsegina bihurtuko da.
AURREIKUSPENA → 2028

10 MIRAMON, I+G+B -AREN ALDEKO APUSTUA
Miramongo Parke Teknologikoa Illunberaino zabalduko da bioteknologia ardatz izango duen HUB berri bat sortzeko.
MARTXAN → 2026

11 DONOSTIAKO OSASUN HIRIA HANDITZEA
Bi eraikin berri eraikitzen ari dira fase aurreratuan dauden onkologia tratramenduak eta kanpo-kontsulta espezializatuak errazteko.
MARTXAN → 2027

12 LUGARITZ, NAGUSIEN ZAINTZA
Lugaritzeko apartamentuak adineko pertsonentzako elkarbizitza eredu berritzailea dira, komunitarioak eta norbanako autonomian oinarrituta.
BUKATUTA → 2023

13 LOIOLAKO ERRIBERETAKO TRUKAGUNEA
Etorkizuneko trukaguneak Topoaren eta Renferen zerbitzuen arteko loturak ahalbidetuko ditu, Gipuzkoako garraio publikoaren mugikortasuna hobetuz.
AURREIKUSPENA → 2030

14 BIDEBERDEA
Donostiarrek gehien baloratzen duten udal-zerbitzuetako bat, Dbus, erabat elektrifikatzeko prozesuan dago, Donostiak %100 emisiorik gabeko garraio publikoaz gozatu ahal izateko.
MARTXAN → 2030

15 TXOMINENEA II
Kartzelaren hurrengo lekualdaketak 400 etxebizitza babestu eta alokairurako apartamentu dotaziodunekin etxebizitza-garapena martxan jartzea ahalbidetuko du, prezio eskuragarrietan.
AURREIKUSPENA → 2028

16 JOLASTOKIETA II
Zardoya-Otis enpresaren instalazio zaharretan 380 etxebizitza berri, plaza eta lorategiak, eta oinezko eta bizikletentzako konexioa hobetzeko igogailu bertikalak izango dituen eremu berri bat sortuko da.
AURREIKUSPENA → 2028

17 AÑORGA, ETXEBIZITZA BERRIAK
Añorga Txikiren garapena bost fasetan banatutako proiektu anbiziotsua da. 248 etxebizitzaz gain, Añorga etorbidea berrurbanizatuko da, goiko aldean igogailu bat eraikiko da, eta Amassorrain ikastola handituko da, besteak beste.
MARTXAN → 2027

18 SAN BARTOLOME
San Bartolomeko birsorkuntzak eraldaketa osoa ekarri du Donostiaren bihotzean. mendi-magala amaitzearekin borobilduko den eremua etxebizitzak, lorategiak eta plazak, ekipamendu komunitario berriak eta mugikortasunaren hobekuntzak osatzen dute.
MARTXAN → 2027

19 SAGÜES
Sagüesen, hiriko topagune esanguratsuenetako batean, aurreikusita dagoen eraldaketak Uliako magalean integratutako gune handi bat sortuko du, berdeguneekin eta aisialdirako jarduerak egiteko espazio zabalekin.
AURREIKUSITA → 2028

20 ALTZAKO KIROLDEGIA
Altzan aspalditik amestutako kiroldegia 2022ko udaberrian egia bihurtu zen, eta ordutik milaka donostiarrek, batez ere altzatarrek, egunero erabiltzen dituzte 10.500 m²-ko instalazioak, kanpoko igerilekua barne.
BUKATUTA → 2022

21 BRETXA
Bretxa merkatu historikoaren berritzea azken fasean sartu da. Osasun-zentro berria eta kirol-instalazioak gehitu zaizkie dagoeneko, eta 2026an, azokan lan egiten duten asentadoreak kale mailara lekualdatuko dira, plazaren eraberritzearekin batera.
MARTXAN → 2027

22 ANOETAKO KIROL-HIRIA
Anoetako instalazioen berritzeak laster abiatuko dira, Miniestadioaren eraldaketarekin eta Eusko Jaurlaritza zein Foru Aldundiarekin hitzarmen bat sinatuta, etorkizuneko erreferente bihurtzeko.
AURREIKUSITA → 2030

23 TXOMINENEA I
2019an errealitate bihurtu zen Txominenea auzoko garapenak hazkunde-prozesu betean jarraitzen du, osasun-zentro berria eraikitzen eta komunitate-ekipamendu berriak martxan jartzen.
MARTXAN → 2027

24 ESKUSAITZETA
Otis, Gipuzkoako Botika Banatzailea, Mubil, Tecnalia eta Cidetec elektromugikortasun-poloa… Gipuzkoako industria-poligono handiena azken garapen-fasean dago, teknologia eta industriaren arloan puntako enpresak hartzen.
MARTXAN → 2026

25 GOMISTEGI
Gomistegiko parkea, Herreraren eta Trintxerperen artean, bi auzoen arteko oinezko eta bizikleta-pasabidea erraztu duen konexio-gune berria bihurtu da.
BUKATUTA → 2019

26 DBIZI
Donostiako bizikleta alokairu publikoko zerbitzua den Dbizik lau urte bete ditu, bidaia-errekorrak hautsiz eta hiri-mugikortasun aktibo eta iraunkorrerako alternatiba sendo gisa finkatuz.
BUKATUTA → 2021

27 FERRERIAS ETA ARMERIAS PLAZAK
Auzotarrekin elkarlanean, Ferrerías eta Armerías plazak erabat berrurbanizatuko dira, bi guneen arteko lotura hobetzeko, zentralitate espazio berri bat sortzeko eta auzoko ibilbide oinezkoak indartzeko.
AURREIKUSITA – 2027

28 CHILLIDA BIDEA
Chillida Bidea Eduardo Chillidaren bi gune enblematiko lotzen dituen ibilbide artistiko eta kulturala da: Haizearen Orrazia eta Chillida Leku. Artista jaio zeneko mendeurrena ospatzeko sortua, ibilbidea oinezko eta txirrindularientzat diseinatuta dago.
MARTXAN → 2027

29 MARTUTENE, URUMEA IBAIAREN ERRIBERA
Sei urteko obren ondoren, 2022an amaitu ziren Urumea ibaiaren zabalera eta ibilgua hobetzeko lanak Martutenen. Ibaiaren hobekuntzez gain, zubien berritzea eta oinezko zein bizikletentzako pasealeku berri bat ere sortu dira uholdeak saihesteko.
BUKATUTA → 2022

 

Igeldo Tokiko Entitate Txikia: ilusioa sortzen duen bide berria

Posted on by Eneko Goia

 

Gaurko udalbatzarran erabaki oso garrantzitsua hartu dugu: Igeldon Tokiko Entitate Txikia sortzeko erabakia. Eta erabaki hori Igeldoko errealitetak historian zehar gure hiriarekin izandako harremanarekin kokatu nahiko nuke. Izan ere, oso atzetik dator.

 

Hiriko auzo askok izaera berezia dute, baina Igeldokoa ukaezina da, eta historiari erreparatzen badiogu, ikusi besterik ez dago XIX.mendean, lau urtez besterik ez bada, Udalerri izatera iritsi zela. Ondoren, berriro Donostiako Udalerrian txertatu zen, eta horrela jarraitu du orain arte.

 

Gertuago etorrita, 2003.urtean izaera berezi horri erantzuteko asmoz, Udalak beste saiakera bat egin zuen Entitate Txikia sortzeko, baina Udalak hala erabakita, bertan behera utzi zuen.

 

Guztiok dugu gogoan 2011-2015 legealdian gertatutakoa, independentzia aldarrikapena barne. Auzi hori guztia epaitegietan amaituta, gure asmoa eta proposamena izan zen errealitate horri erantzuteko Entitate Txikiaren figura lantzea. Eta bihotzez eskertu nahi dut Igeldoko Herri Kontseiluak berak formula hori lantzeko hasieratik adeirazi zuen prestutasuna. Horrek martxan jarri gintuen luzea eta zaila izan den lan batetan.

Lan handia eginda eta erronka handia aurretik

 

2019-2023 legealdi osoa horretan lanean jardun genuen. Egia da Pandemiak ez zuela lagundu, baina azkenean argia ikusi du lan handia eskatu duen prozesu luze eta neketsu honek. Horregatik, gaur, Igeldoko Entitate Txikia sortzeko erabakia hartuta, eskertu nahi dut Herri Kontseiluak eta udal langileek egindako lana. Ordu asko sartu dituzte erabaki garrantzitsu hau har dezagun. Eta gainera, adostasun maila oso altua lortu dute, lan ona egin delaren seinale.

 

Hartu dugun erabakia, erronka handia suposatzen du guztiontzat. Hau hasi besterik ez da egin, eta erabakia errealitatean txertatzea tokatuko zaigu. Udalan gauza asko aldatu beharko ditugu eta lan handia egin beharko dugu, izan ere, ez gaude ohituta horrelako figura batekin elkarbitzitzen, baina ikasiko dugu. Nire prestutasun osoa adierazi nahi dut lan horri ekiteko, eta Igeldoko auzoak kontsulta bidez onartzen badu, hurrengo urteetan Entitate Txiki hori errealitate bilakatzeko bideari ekiteko.

 

Ilusioa eta herri-kontsulta

 

Ilusioa eragin beharko lukeen erabakia da gaur hartu duguna. Bide berri baten aurrean gaude. Espero dezagun bide berri honek gure hirian adierazten duen errealitate horri, Igeldoko errealitateari, erantzutea.

 

Udalbatzar honetan ere, igeldoarrei kontsulta egiteko prozedura onartu dugu. Eta horren arabera, apirilaren 14ean egingo da kontsulta. Bertan, 16 urtetik gorako igeldoarrek iritzia emateko aukera izango dute. Ez da loteslea izango, baina pisu handia izango du emaitzak. Horregatik, parte hartzera animatu nahi ditut igeldoar guztiak.

 

Jarrai dezagun elkarrekin bidea egiten.

Intxaurrondo: lagunkoia eta irisgarria

Posted on by Eneko Goia

80 urte atzera egingo bagenu, ziurrenik ez genuke ezagutuko egun Intxaurrondo osatzen duen eremua. XX.mendearen bigarren erdian une ezberdinetan bizitoki eta milaka familien bizileku bihurtu ziren baserriek, baratzek eta basoek osatzen zuten Intxaurrondo. Agian denboran ez hain urrutiko jatorri horrek, eta pixkanaka izan duen denborari egokitutako hazkundeak, Intxaurrondoko nortasuna marraztu dute.

 

Egun Donostiako 5.auzo jendetsuena da; 15.000 donostiar baino gehiago bizi gara. Kultur-etxe moderno batek; barruko eta kanpoko igerilekua duen kiroldegiak; hiriko beste hainbat auzorekin eta Gipuzkoako beste hainbat herrirekin lotzeko Topoaren geltokiak; eta Ametzagaina edo Txaparrene bezalako aisialdirako eremu berde garrantzitsuek, egin dute Intxaurrondo auzo lagunkoiagoa, bizitzeko egokiagoa eta irisgarriagoa.

 

Baina ez gara konformatzen. Bizi kalitate hobeagoa duten auzoak behar ditugu; etorkizuneko proiektuak eskaintzeko aukera emango diguten jarduera eta aberastasuna; hazkunde kohesionatu eta orekatua; eta ingurumen eta iraunkortasun hobekuntzak. Erronka zailak dira, ez bakarrik Intxaurrondorentzat, baita hiri osoarentzat ere. Eta erronka horiek erabakitasunez eta baikortasunez hartzen ditugu, izan ere, gure historian zehar une kritiko eta erabakiorrak elkarrekin gaindituko ditugu. Eta auzoak, guztiak, etorkizun horren eraikuntzaren protagonista nagusiak izango dira. Aurrera doan auzoa, hobetzen doan hiria delako.

Deskargatu aldizkaria hemen: Intxaurrondo_Aldizkaria

Urumea berreskuratzeko, hiri hobea lortzeko

Posted on by Eneko Goia

Azken urteotan, Donostiak itsasoari bakarrik begiratzeari utzi dio. Ibaira begiratu du, Urumeara, bere lurrak zeharkatzen dituen ibaira, eta hiriaren egungo hazkundearen ardatz bihurtu da.

 

Loiolak, Txomineneak eta Martutenek beti begiratu, sentitu eta bizi izan dute Urumea.  Baserriek ibai ertzak aprobetxatzen zituzten baratzeetarako; ontziralekuek sagardoz edo egurrez betetako gabarrak hartzen zituzten; latsariek ibaiko urak familiaren ekonomian laguntzeko erabiltzen zituzten, eta, geroago, Donostiako industria-garapenaren parte izan ziren fabrika, lantegi eta ontziolak.

 

Orain Donostia ibaiaren ibarraren ondoan hazten ari da. Loiolako Kuartelen salerosketa da aro berri hau markatzen duen mugarri historikoa. Aukera paregabea hiria hazten lagunduko duen eremu neuralgikoa sortzeko, hain zuzen ere, hiria batzen eta kohesionatzen lagunduko duen eremua. Eta era berean, Urumeako ardatzari gune lagunkoiagoak, bizitzeko egokiagoak eta jasangarriagoak emango dizkio, baita auzotarren bizi kalitatea hobetuko duten ekipamenduak ere.

 

Erronka zailak dira, ez bakarrik Loiola, Txominenea eta Martutenerantzat, baita hiri osoarentzat ere. Eta erronka horiei erabakitasunez eta baikortasunez heldu nahi diegu, izan ere gure historian zehar elkarrekin une kritiko eta erabakigarriak gainditu ditugu. Eta auzoak, guztiak, etorkizuneko eraikuntza horren protagonistak izango dira. Aurrera doan auzoa, hobetzen den hiria delako.

 

Deskargatu aldizkaria hemen: URUMEA_Aldizkaria

Amara, Erribera, Morlans

Posted on by Eneko Goia

Amarako historia Urumeari erabat lotuta dago. XIX.mendearen amaieran ibaiaren bideratzeak ahalbidetu zuen uholdeak izateko arriskua zuten hainbat lur-sail berreskuratzea, eta bertan donostiarrentzako etxebizitza berriak eraikitzea. XX.mendearen erdian, hiriak hazten jarraitu zuen ibaiaren ondotik eta Antso Jakituna eta Madrilgo Hiribidea sortu ziren, Anoetara iritsi arte. Eta orain, XXI.mendean Urumea auzoaren hazkundearen ardatz da berriro: lehenik Loiolako Erriberaren sorrerarekin, eta orain ibaiaren inguruko pasealekuarekin, etorkizuneko aldageltokiarekin eta Lorategi Hiriaren birsortzearekin.

 

Baina hedatzeaz gain, Amarak, Loiolako Erriberak eta Morlansek gune lagunkoiak, bizitzeko egokiak eta jasangarriak eskatzen dituzte. Hain zuzen ere, gazteen zein adineko pertsonen bizitza proiektu guztiak posible egingo dituzten auzoak. Bizi-kalitate gehiago eta hobeagoa dutenak. Etorkizuneko proiektuak eskainiko dituen jarduerak eta aberastasuna sortuko dituztenak.  Hiriko hazkunde orekatua eta kohesionatua ahalbidetuko dituztenak. Ingurumen eta jasangarritasun hobeak izango dituztenak.

 

Horiek guztiak erronka konplexuak izango dira, ez bakarrik Amararentzat, Erriberentzat eta Morlansentzat, baita hiria osoarentzat ere. Eta erronka horiei erabakitasunez eta baikortasunez heldu nahi diegu. Izan ere, hiriaren historian zehar izan ditugun une zailei eta garrantzitsuei bat eginda aurre egin diegu. Eta auzo guztiak izango dira etorkizuneko hiriaren protagonistak. Izan ere, aurrera doan auzoa hobetzen doan hiria da.

Deskargatu aldizkaria hemen: AMARA_Aldizkaria

Altza, izaera eta nortasun propioa

Posted on by Eneko Goia

Altza Donostiako auzo zaharrenetako bat da, historia handia duen auzoa da. Ia 900 urteko historia, egungo Altza osatzera eraman duten aurrerapenekin, aldaketekin eta mugarriekin. 2022an, kiroldegi berriak bidea egin du altzatarrek auzo atseginago, bizigarriago eta jasangarriago batean bizi daitezen. Hain zuzen ere, gazte zein adineko pertsona guztien bizitza proiektuak garatzen posible egingo duen auzoa.

Erronka konplexuak ditugu aurretik, ez bakarrik Altzan, baita hiri osoan ere. Eta erronka horiei jarrera erabakiorrarekin eta baikorrarekin heldu nahi diegu. Izan ere, historian zehar elkarrekin une kritikoak eta garrantzitsuak gainditu ditugu. Helburuak oso argi ditugu: bizi-kalitate hobea eta handiagoa duten auzoak lortzea; etorkizuneko proiektuak eskainiko dituen jarduera eta aberastasun ekonomikoa sortzea; hiriak hazkunde kohesionatua eta orekatua izatea; eta hiriaren ingurumena zein jasangarritasuna hobetzea.

Altzak oso harro esan dezake hazten jarraitzen duen auzo anitza dela. Izaera eta nortasun propioa duen auzo bateko kide izatearen harrotasuna. Gainerakoak bezalakoa ez den auzoa, gainerakoak bezalakoa ez den hirian. Horrela da Altza eta horrela da Donostia. Aurrera doan auzoa; hobetzen doan hiria.

Deskargatu aldizkaria hemen: ALTZA_Aldizkaria